Ecco una poesia in rima ed in dialetto di Ivano Manzato (barseetaro a tenpo pieno)
AVIP mission – Bosnia 2009
Anca sto ano, e semo in tel 2009
L’AVIP ga da conferma, se mai servisse prove,
deà so vitalità, deà so grandessa
organizando na mission aea so altessa
Venti baldi giovanotti
pi’ i interpreti: Fatima e padre e figlio Scotti
ancora na volta in Bosnia i ga portà
on concreto messaggio de pace, amicissia e solidarietà
Mancando Fiorin, el nostro capitano,
ga fato e so veci, e degnamente, el buon Mariano
che nol perdea ocasion in ogni frangente
de portare a tuti i saluti dell’assente
Afiancà, a streto contato, egregiamente
da l’acorta Virginia, a cui no sfugge gnente,
e daea mitica Luciana, Collini paea precision,
senpre emotivamente ativa, dirìa in fibrilassion
E ghe jera eà tranquilla Emanuela, tra i più disponibii,
co tuti proprio tuti, ma sopratuto coi fioi picoi
seguìa da na giovane copia alquanto strana
una se ciamava Alice e staltra Adriana
Bee, brave, gentili e soridenti
che e ga smosso toneate de ormoni dei ragassi residenti
E ghe jera anca Sandro, l’arbitro ironico e ben determinato
che fuma ed amoreggia (roba altrui) con fare distaccato
E eà Silvia senpre pronta a tuto
cuzina, animassion, viageti in Arizona
e Roberto Stivaneo, sto farabuto
senpre pi preciso e atento e … in serca de na dona
Senpre in tiro, goto in man … ma laorare gnente
eco Denis, delegato del Portico a so rapresentante,
e po’ eà Sara, da l’intima alegria, gioiosa e soridente
col so partner Andrea, on blocco de bontà gigante
E eà Marianna, capitana provinciae
senpre soto e senpre pronta a na intervista
e Roberto, el so partner ideae
che rancura tacuini e noà perde mai de vista
E po’ Alessandro, el ridanciano daea permanente xaea
chel xe cupià co Melissa, eà maressiaea
e eà Michela, cossì riservata che quasi eà sparisse
e Marco che tuto el neta, riordina, forbisse
E infine mi, barseetaro a tenpo pieno
co Jacopo, me fioeo, de cui so molto fiero
che go da el me contributo, da tuti condiviso
regalando on poco de soriso
On viaggio inportante, on viaggio coinvolgente
che toca cuore e serveo profondamente
on viaggio che al ritorno te fa dir, semplicemente:
vago anca sto ano che vien, sicuramente!
Agosto 2009
Manzato ivano
